Riceviamo e volentieri pubblichiamo la poesia del caro amico e lettore Francesco Russo di Cortinpiano e di San Lorenzo
È Natale …
Spisso, me rùseca ‘stu penziero:
a che serve ‘e ce da’ l’aùrio
si Natale vene sempe peggio
‘e l’anno primmo ch’è passato?
Dicenno aùrio, tiene ‘na speranza…
‘a speranza ‘e cagnà ‘stu munno?
Pe’ tant’anne i’ l’aggio ritto
a tutt’‘a ggente ca ‘ncuntravo,
cu n’abbraccio sincero,
e cu ‘na forte stretta ‘e mane.
Ma … ‘a cchiù ‘e quarant’anne
‘o munno se sgarrùpa sempe ‘e cchiù.
Chist’anno no, lassammo sta’,
nun te dico proprio niente,
te guardo ‘nfaccia e capuzzèo…
Lassammo ca passa ‘stu Natale,
aspettammo ‘o prossimo ca vene
e… sulo si arriva cu bbona capa
torno a te da’ l’aùrio e t’abbraccià.
Francesco Russo