La poesia di oggi è di Francesco Russo, gran priore internazionale della confraternita templare Ugone de’ Pagani:
è in vernacolo e dedicata alla festa della mamma, in arrivo
È suonno passato
Chisà pecchè me vene stu penziero
che me strazzia forte, assai cchiù d’aiere!
Me staie luntana e te sento vicina :
‘na lacrema scenne ‘ncopp’‘o cuscino.
Ogge è maggio: cielo celeste e chiaro
p’‘a festa d’‘a Madonna e ‘e tutt’‘e mamme.
‘O core mio ch’è scuro e senza voce
nun tene a chi purta’ ‘na bella rosa.
Passato è ‘o suonno e pure pare aiere
ca tenevo ‘na mamma e chella gioia
ca ogge cchiù nun tengo e cchiù nun provo.
Chi ‘a tene ‘a mamma l’hadda vule’ bene!
Quanno te vene ‘a voglia ‘e ll’abbraccià,
‘strignela ‘npietto, vasatélla doce !
Dille alluccanno : Oj ma’, te voglio bene!
Nun aspetta’ ca ‘o tiempo se ne fuie.
Nun ce penzavo aiere e aggio sbagliato.
Ogge saccio, vurria ma cchiù nun pozzo.
Me struje pe’ chesto e sulo ‘nsuonno ‘a vaso.
Ma è fantasia : nu suonno ch’è passato!
Francesco Russo