Una poesia in vernacolo del nostro Nino Ranucci, dedicata ad una delle figure più emblematiche e misteriose della nostra esistenza: l’angelo custode
NINO E ANGIULILLO
E mmo che staje facènne?
Nun ‘o vvire ca sto’ screvènne.
Che staje screvènne e a chi, è ‘na puisia?
A ‘n’amico buono e tu nun fa’ ‘a spia.
Che lle staje dicènne, chi è ‘st’amico?
Nun mme fa dumanne, po’ t”o ddico
se stà avvecenanne ‘n’accasione
e nun voglio mancà e lle fa’ ‘n’attenzione.
E’comme a ‘nu frate, nce vulimme bbene
d”a nascita ‘o canosco e a mme nce tène
me stà vicino comme a pate e figlie
me stà accòrto e mme dà cunziglie.
Io e isso simme ‘na cosa sola
si rido s’allecréa e si chiagno me cunzòla
è’nu riale che aviétte da ‘o Signore
è da ‘na vita che stamme core a ccore.
Ll’aggiu capito mo, faje ‘o furbacchione
è a mme ca staje facènne ll’attenzione
‘ntramente i’ me scervèllo tu t’addecrio
me staje screvènne a me po’ ‘nomme mio
Embeh, ll’haje date ‘o sfogo ‘a fantasia
addedecanneme ‘sta bbella puisia
ma dille ca stamme ‘nzieme tu e io
i’ ll’Angelo custode e tu ‘o criaturo mio.
Antonio Ranucci