Vorrei, vorrei, quante cose vorrei fare se potessi…
E’ questo il messaggio che l’avvocato Vincenzo Sorrentino ci trasmette in questa lirica in vernacolo
Vurrìa
Cielo, si se putesse,
quanta cose vurrìa fà:
vurrìa zumpà ‘ncoppa a nu grattacielo,
vurrìa o’ munno intero alluccà
io sò felice, allegro, scanzunato,
vurria dicere: me songo ‘nnammurato.
Cù ciento e cient orchestre pè cuntorno
vurrìa putè sunà ‘na bella musica,
‘a musica e stu core affascinato
da duie uocchie belle cumme è a luna,
da nu visino docedoce,
e ‘na vocca preziosa ca me sussurra
con grande intensità:
E’ o’ vero: Tu sì l’ommo mio.
Vurria sapè parlà comme a Dante,
che fa parlanno innamorar la gente,
vurrìa tenè ‘na folla sana che me sente:
O’ munno, ‘a vita è bella
viato a chi s’a gode tutta quanta
e niente addereto lascia.
Vurrìa, vurrìa, vurrìa. Ma no.
Me rendo conto a malincuore
che tutti ‘sti vurrìa,
songo sulo ò frutto
e ‘na bella fantasia.
Vincenzo Sorrentino