L’amore tradito dall’inganno è il tema della poesia che vi proponiamo oggi
‘NA CHIACCHIERIATA ‘O SPECCHIO
I’ t”o ddicévo a chélla lassala stà
e tu me rispunnive – è bona guagliona –
bona po’ ddarse sì, ma pe’ t’arravuglià
nun t’accuorge ch’è ‘na furbacchiona.
Quanno ‘a siénte ‘e dicere – i’ te voglio –
comme si te dicesse – i’ te voglio bene –
chélla va cercanne surtanto ‘o portafoglio
e comme ll’avrà avuto se farrà a ttène.
Te chiamma ammore fégnennese sincera
quanno ll’ammore pe’ éssa è pure sesso
mo ca s’è dimustrata chélla che era
te véco cagnato, nun si’ cchiù ‘o stesso.
Quinnece anne! e puorte p”e ccalènne
a chi t’addimmanne che fine ha fatto
e nun è ovèro quanne vaje dicènne
che tutto s’è fernuto pare e patto.
Nun è ovèro amico mio chéllo ca ddice
no, nun te ll’ha rubbato ‘o portafoglio
si ll’avésse fatto sarriste cchiù felice
ma so’ quinnece anne e pure ll’orgoglio
ANTONIO RANUCCI