Si avvicina il periodo natalizio, e il nostro amico poeta Nino Ranucci ce ne propone un’anteprima condendola con i sapori della festa di una volta.
Vi proponiamo questa poesia ricordandovi che se volete pubblicare le vostre rime potete contattarci via mail o via telefono: saremo lieti di pubblicarle.
————-
VIGGILIA ‘E NATALE
Dicembre sta vulanne cumm’ ‘o viente
E già vene Natale e tu ‘o siente
Verenne ‘o pesce che zomba dint’ ‘a spasa
Che po’ chiù tarde more ‘ncopp’ ‘a vrasa.
‘E strate so’ allummate e ‘a genta lesta
Corre, accatta che po’ àdda fa’ festa
A nonna scioscia p’attizza’ ‘o fucone
E ‘o nonno cerca e tire fore ‘o bbuono.
Già ‘a tavula è tutta apparicchiata
Cu’ ‘o servizio e ‘a tuvaglia arricammata
Fore è scuro che già s’è fatta sera
S’aspetta sule mamma cu’ ‘a zuppiera.
Mo ‘e strate so’ sulagne e da luntane vene
‘O suono doce ‘e ll’urdema nuvene
E nun saccio pecchè ma ‘na malincunia
Me strazia 1l’anema … uh Maronna Mia!
Po’ a ‘ntrasatta mamma dice “E’ pronta”
E ‘a primma è ‘a nonna che se segna ‘a fronta
Fùmmane ‘e spaghette ‘nt’ ‘a zuppiera
Ma nun s’accummencia primme da’ priera.
“Mamma Celesta, Vergine Santa mia
Tu che a chest’ora cammine ancora ‘a via
Tu che pe’ ‘nu RRe e’ scivete ‘na grotta
Famme ‘na grazia, fermate Ca’ ‘stanotta
E cumme crisce ‘o Tuoje aiuta a cresce ‘e mie
Fammèlla chesta grazia, e accussì sie.”
Antonio Ranucci