Vi proponiamo una delle più belle poesie d’amore scritte da Antonio Ranucci. Se sia o meno autobiografica, non ce lo ha detto. Ma l’amore che emana da questi versi può solo uscire da un cuore schietto e generoso.
Buona lettura
LL’UOCCHIE NIRE
Ere ‘o tiempo ‘e quanno ‘e bbarbiére
jévene pe’ ccase a sservì ‘e criènte
‘a stessa cosa facévene ‘e ccapère
che giràvene facènne ‘e pperrnanènte.
È pure ovère che nu’ tutt’ ‘e ffamiglie
so’ putévene permètte’ chillu piacére
già era affurtunato chi crescéve ‘e figlie
e apparicchiave tavula miezejuorne e sére.
Ma ringrazzio a Dio chè chisti prubblème
‘a casa nòsta nun nce ne so’ mmaie state
accussì ‘e fémmene tutte quante ‘nziéme
facévene a tturno p’èssere accunciate.
I’ ero giuvinòtto e gghiévo ‘a scòla
ma chillu juorno 11’aspettavo i’ pure
pe’ vveré ‘a capèra ch’èra ‘na figliola
‘o sciòre cchiù bello ‘e tutte ‘e sciure.
Essa faticave quanno pe’ ‘ntramènto
sotto sotto i’ Ile facévo ‘a spia
e chiù ‘a guardavo chiù ‘nu sentimento
doce m’accarezzava ll’anema mia.
Tenéve 11’uocchie nire e bionde li capille
‘a vocca rossa comme a ‘nnu granato
e già sumiavo ‘e vase che Ile dévo a mille
dinto ‘e bbracce sòje abbandunato.
Po’ chillu suonrio se vestètte ‘e vita
pur’éssa mme vuléve e mm”a spusaje
‘e tenérme bécino nun s’è maie pentita
e i’ benerico ‘ojuomo che ‘a ‘ncuntraje.
Mo, doppo tantu tiempo ll’uocchie nire
brillene ancora comm’a quann’èsce ‘o sole
e cchiù ‘a guardo cchiù ll’anema suspire
e chélla vocca rossa ancora mme cunzòle.