La confraternita dei templari “Ugone de’ Pagani” ricorda il 27 gennaio attraverso il suo Gran priore internazionale Francesco Russo
27 GENNAIO : AUSCHWITZ ADDIO !
Ventisette ‘e jennaro:che ricorde amare !
P’‘o munno sano, che malincunia!
Quanta lacreme hanno surcato ‘e ffacce
‘e chella gente senza nu dimane !
A quanta gente c’è rimasto ‘nmano
‘na fotografia, nu ricordo, n’illusione…!
Io vulesse vulà comm’‘o gabbiano
‘int’‘e ghiurnate amare d’‘o passato
p’abbraccià chilli “criste” abbandunate,
‘cummigliate ‘e petacce d’‘a tristezza.
Vulesse vulà ancora cchiù luntano
pe’ leggere ‘int’‘a mente ‘e d’ata gente
ca pe’core teneva scarde ‘e preta
e ‘e mmane sporche ‘e sango de ‘nnuciente.
Ventisette ‘e jennaro, c’amarezza
e che trestezza ‘int’a ‘e core nuoste!
E’ nu penziero ca mai se scancella,
è ‘o juorno amaro d’‘a memoria antica,
e, forse, pure ‘o juorno d’‘a speranza!
Vulimmoce cchiù bene tutte quante
ca p’ogne pizzo‘e munno, tutte simmo frate.
Francesco Russo